انا مش غالى عليك

دى كلمات جديده فيها نوع من العتاب الصريح ياريت اشوف ردودكم


انا مش غالى عليك



انا مش غالى عليك زى انت ما غالى على ........ كنت عارف يوم ها تبغنى ومش هاتحس بيا

بس يا ريت يا حبيبى تقولى انت نستنى ليه...........انا مش فاكر مرة جرحتك ولا قسيت عليك


انا مش عاوز اشوفك تانى ولا عمرى هاحايلك ترجعلى
انا بسال عن قلب نادالى بعنى وليه مش عارف زنبى
اسمع ياللى مكانك حضنى .................... انا ما بقتش زى زمان ارضى فى قلبك واجى على


راح فين كلامك عن هوانا قولى احكى ياملاك
مش هو دا القلب اللى سمعك وفـ عز جرحك كان معاك
لا كمل طريقك لواحدك ........ وشوف لقلبك قلب تانى يخدعك وتحس بيا



كلمـــــــــات / شريف حميد

هو بصراحة الجزء الاول جميل وفية احساس انما بقيت الكلام حاسس انة حشو ياريت الاحساس يكون اصدقك من كدة شوية

والله انا شايف ان الكلمات وصفت حاله انسان انا عارفه كويس وكمان ودا رايك وانا بحترمه اكيد بس انا ها ارفع الكلمات متلحنه وبصوت جميل وانت ها تعرف ان الاحساس شاملها من اولها لاخرها

وقريب جدا ها ارفع ليكم الينك على السيت دا

شريف حنيد

ياريت والله شىء جميل ان احنا نسمع الكلمات بصوت جميل اكيد هتقرب الاحساس اكتر مشكور
على مجهودك

انا جايب ليكم اللينك بتاع الكلمات دى يعنى بلحن بدائى وصوت جميل ياريت تحملوها وتقولولى رايكم اوك الينك اهه



http://www.2shared.com/file/1867985/c4393eef/____.html



شريف حميد

لما نسمعها حنقولك رايينا فيها

الله يخليك يا تيتو ومتشكر على الرد الجميل دا

جميله طبعا يا شريف وياريت تكتب تانى كلمات حلوة زى دى تانى

متشكر جدا يا بوسى على زوقك واوعدك ان كل كلماتى ها انزلها هنا

واضح اوى من كلام الناس انهم بيجملوك ودة عادى انما المصيبة انهم ما يكنوش بيفهمو اسلوب الكتابة وبيقولو وخلاص انا لما قولت ان الجزء الاول هو الافضل والباقى كلة حشو لو استعرضنا مع بعض الكلمات انت بتقول انا مش عاوز اشوفك تانى ولا عمرى هاحايلك ترجعلى ورجعت تقول بعد كدة قولت ا سمع ياللى مكانك حضنى اذاى انت مش عايز تشوفة ولا هتحيلة علشان يرجعلك وجاى بعدها تقول يلى مكانك حضنى انت نفيت انك مش عايزة ولا عمرك هترجعلة وجاى تقول مكانك حضنى دة اسمة تضاد فى المعنى المفروض انك تؤكد كلامك الاول بنفى الجملة التانية يعنى تقولى مثلا اسمع يللى مكانك مش فى او كان حضنى دة المفروض واضح اوى ان فى افلاس فى المعنى من الكاتب وجهل من القراء

انا بصراحه مش عاجبنى اسلوب النقد اللى بيهزقنى انا شخصيا ولا وكمان بيشتم الجمهور الى بيقرا الكلمات النقد عمرة ما كان بالاسلوب دا ولا بطريقه حلمى بكر لان دا نقد هدام انا مضطر اسالك سؤال وانت شاعر وبتكتب ....

انت درست عروض علشان تتكلم ؟ ولو درست تقدر تقولى الكلمات دى فى اى بحر ؟ ولو عرفت فى اى بحر
انت تسمع عن حاجه اسمها اداه امتناع الامتناع بالظبط زى القران ما بيقول فى سوره يوسف

بسم الله الرحمن الرحيم

وهمت به وهم بها لولا ان راى برهان ربه

صدق الله العظيم

فالناقد الذى لا يبحث الا عن الظاهر سيقول من الوهله الاولى ان سيدنا يوسف كاد ان يرتكب معها جريمه الزنا لولا ان راى برهان ربه فا ابتعد لكن الحقيقه انها همت بضمه اليها وهم هو بابعادها عنه لانه راى سابقا برهان ربه هذا هو اداه امتناع الامتناع وشتااااااان ما بين كلماتنا البسيطه وبين القران الكريم ولكنه مدرسه نتعلم منها اصول اللغه العربيه

وفى الاغنيه انا معاك انى قولت (((( اسمع ياللى مكانك حضنى .....بعد ما قولت مش عاوز اشوفك تانى )))
وكنت اتوقع ان النقد ما يجيش منك على اعتبار انك بتفهم فى كتابه الاشعار القصيرة لكن للاسف انت اللى كشفت نفسك

فلو بصيت كويس هاتلاقى ان الكلام لحظى من اوله لاخرة والاسلوب بتاع اسمع ياللى مكانك حضنى يقصد انه هو كان الحضن الدافى ليه وعلشان الغى جزء كان مكانك حضنى زى ما انت قولت استخدمت اسلوب الامر فى البدايه اسمع
وفى الاخر اداه امتناع الامتناع زى ما وضحت فى الاول والشطر التانى بياكد الكلام ده لما بيقول ((( انا ما بقتش زى زمان ارضى فى قلبك واجى على )))) فهو دا قمه التوضيح والايجاز


وفى الاخر اتمنى ان النقد يوجه لى فقط ولا يوجه للقراء واتمنى ان اللى بيتكلم يا يكون فاهم ودارس يا اما يسكت خالص

شريف حميد

ههههههههههههههههههههههههههههه
يابنى انت بتقولى انت كشفت نفسك انا مش هكلم عن نفسى لانى اشعارى وكتباتى كلها موجودة والناس هى ال تحكم انا مفيش حد قالى انى ما بعرفش اكتب حتى ال كتبت فية هجاء نفسة وانت عارف كويس هو مين اعجب بحجات كتير كتبتها وغير كدة بتقولى عروض انت مفكر علشان قرأت كتاب خلاص بقيت دارس انا موهبتى تكفينى وغير كدة انت عايز تحطنى فى وجة مقارنة بين كلمات الاغانى ال شعبان عبدالرحيم بيكتبها وبين الشعر الحديث ونغمة التعبير الجميلة مفيش وجة ومقارنة خالص وغير كدة انت بتجيب سيرة حلمى بكر لية علشان هو بيهاجم الناس المغنيين ال انت بتحبهم اية يعنى دة حر فى رأية اعتقد انك ملكش الحق فى كدة ابدا حتى لو هو على خطأ ومش انت ال تحكم على حلمى بكر فية ال اكبر منك بكتير يكلم علية كمان المصيبة الكبرى انك دخلت القران علشان تثبت ان كلامك صح يااخى حرام عليك اتقى الله بتجيب مثل من القران علشان تؤكد معنى فى اغنية وبعدين انا ما غلطش فى القراء فية ناس فاهم لغة صح وببكتب صح واعتقد ان كل ال علقو على الاغنية بتاعتك دى ملهمش اساسا فى الكتابة غير العبد الله وانا متأكد ان لما حد فاهم يدخل ويشوف كلامك دة هيقول ال المفروض يقولة الموضوع مش عند معاك ذى ماليك حجات بنحيك فيها وبتكون حلوة بردة ليك سقطاتك كلنا كدة والا انت بقى تبقى اعظم كتاب الشعر الغنائى احنا بنحاول نوصل للأفضل لأن منتدانا اسمه الافضل ياريت تركز فى تصحيح اخطائك وتسيبك من الرد الكتير خد الكلام بسعة صدر واتعلم مش عيب كلنا بنتعلم وياريت تبعد عن ضرب الامثال من القرأن لان دة قسم اسمة شعر غنائى عايز تقول حجات اسلامية وتوضح قول فى خواطر اسلامية للآسف انت افتقد مقولة لكل مقام مقام انت خلتها سلطة خالص ههههههههههههههههههه

انا طبعا ما ازعلش من النقد بس لما يكون الكلام صحيح وانا وضحن الجزء اللى انت قولت عليه انه متناقض وبدليل ممن القران وكمان عاوزنى احط الجزء دا فى خواطر اسلاميه

وتقولى لكل مقام مقال طيب ازاى انا جايب جزء من القران استشهد بيه هنا مش بحكى القصه يبقى مين فينا اللى لازم يعرف ان لكل مقام مقال وكمان انت بتقول انك موهوب طيب ما انا بكتب بموهبه لكن لازم اكون دارس علشان لو حد زيك نقدنى اوضحله بعلم واوضحله خاضع لاى رتم ولا ى مدرسه كمان شعرا اكبر مننا بكتيير درسوا العروض وهما موهوبين جدا يمكن شتان بينا وبينهم زى بهاء الدين محمد وايمن بهجت قمر ومدحت العدل وعادل عمر وكل الناس الكبار دول
انت بتقولى ان كل اللى قاله رايهم ما بيعرفوش يكتبوا وبالتالى قالوا انها كلمات كويسه طيب دا فى حد زاته كويس ان احس الشىء فى جملته كويس وانا على اتم استعداد لنقد الكلمات بتاعتى من اكبر شعراء انت عاوز تجيبهم

شريف حميد

على فكرة يا استاذ عمرو مفيش حد بيجامل شريف ولا حاجه لان مفيش حد هيستفاد لما يجمله بس فعلا الاغنيه جميله وجميله جدا كمان وياريت انت تقدر تكتب زيها وانا من رايى انى بصراحه مشفتش اى اغنيه حلوة مكتوبه لحد دلوقتى غير بتاعه شريف متهيالى دى احسن حاجه اتكتبت فى المنتدى لحد دلوقتى وكل واحد حر فى رايه

ههههههههههههههههههه اولا دكتور لو سمحتى مش استاذ ثانيا اية اعرف اكتب ذيها دى انا كاتب احلا من كدة بكتير وبعدين دى كلمات اغانى اى حد يكتبها شعبان عبد الرحيم نفسة بيكتب ذى كدة انما انا حاجة تانية انا كتباتى كلها القلب بيحسها بدون تفكير فيها لحظة وعلى العموم شريف دة حبيبى بنقدة لآنى عايزة الافضل ومنتدنا هو الافضل

اكمل طريقك من غير متبص وراك